Qəbələ sakini döyülərək xəstəxanalıq olub.
APA-nın Şirvan bürosu xəbər verir ki, hadisə gecə saatlarında baş verib.
Rayon Mərkəzi Xəstəxanasına gələn 1996-cı il təvəllüdlü Mıxlıqovaq kənd sakini Orxan Azad oğlu Orucluda sol baldırın əziyi və yaralanmalar müəyyən olunub.
Xəsarət alan şəxsə ilk tibbi yardım göstərilib. İlkin məlumatlara və ehtimala əsasən, həmin şəxs kimlərsə tərəfindən döyülüb.
Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, Orxan Oruclunun döyülməsi ilə bağlı rayon polis şöbəsinə də müraciəti daxil olub və hazırda faktla bağlı müvafiq araşdırmalar aparılır.
Naxçıvan şəhərində də döyülmə hadisəsi baş verib, hadisə dünən axşam şəhərin mərkəzi küçələrinin birində olub.
Belə ki, Qaraçuq kənd sakini, 2008-ci il təvəllüdlü Məmmədov Sabir Arzu oğlu kütləvi dava zamanı döyülüb. O, müəyyən bədən xəsarətləri ilə Naxçıvan Muxtar Respublika Xəstəxanasına yerləşdirilib, vəziyyəti sabitdir.
Faktla bağlı araşdırma aparılır.