Şahbuz rayonunda baş verən qəzada 6 nəfər xəsarət alıb.
Apa xəbər verir ki, bu gün baş verən qəzada xəsarət alanlar Şahbuz rayonu Enerji Təchizatı və Satışı İdarəsi işçiləri olub.
Qəza zamanı Şahbuz şəhər sakinləri - 1975-ci il təvəllüdlü Əliyev Həbib Seyfulla oğlu, 1976-cı il təvəllüdlü İbrahimov Səbuhi Əmrəli oğlu, Şahbuz rayonu Kolanı kənd sakini 1982-ci il təvəllüdlü Nəsirov Arzuman İsa oğlu, Şahbuz rayon Külüs kənd sakini 1994-cü il təvəllüdlü Quliyev Nadir Abbas oğlu, Şahbuz rayon Keçili kənd sakinləri - 1975-ci il təvəllüdlü Eyvazov Ələddin Ələm oğlu və 1994-cü il təvəllüdlü Firudinlu Nurulla Nurəddin oğlu xəsarət alıblar. Onlar Naxçıvan Muxtar Respublika Xəstəxanasına yerləşdiriliblər.
Faktla bağlı araşdırma aparılır.