İsmayıllı rayonunda qətlə yetirilən qadının kimliyi məlum olub.
Rayonun Təzəkənd kənd sakini Etibar Bədəlov 3 uşaq anası olan həyat yoldaşı, 1988-ci il təvəllüdlü Aytən Bədəlovanı bıçaqlayaraq öldürüb. O, hadisə yerindən qaçıb.
DİN-in Mətbuat Xidmətinin Şəki regional qrupundan isə bildirilib ki, iyulun 17-də İsmayıllı rayonunun Təzəkənd kəndində 1988-ci il təvəllüdlü Aytən Bədəlovanın  kəsilmiş-deşilmiş xəsarətlərdən ölməsi barədə polisə məlumat daxil olub. Polis əməkdaşları tərəfindən onun tutularaq istintaqa təhvil verilməsi istiqamətində əməliyyat-axtarış tədbirləri davam etdirilir. 
Hazırda faktla bağlı araşdırma aparılır.
***
14:43
İsmayıllı rayonunda qətl hadisəsi olub.
Hadisə bu gün saat 14:30 radələrində rayonun Təzəkənd kəndində qeydə alınıb. Kənd sakini Etibar Bədəlov ailə münaqişəsi zəmnində aralarında baş verən dava zamanı həyat yoldaşını öldürüb. Hazırda rayonun hüquq-mühafizə orqanlarının əməkdaşları hadisə yerindədir. Hadisənin dəqiq səbəbi hələ ki, məlum deyil.
Faktla bağlı İsmayıllı rayon Prokurorluğu tərəfindən araşdırma aparılır.