Azərbaycanın daha bir idmançısı dopinqdən istifadə etdiyi üçün cəzalandırılıb.
Azərbaycan Milli Antidopinq Agentliyindən (AMADA)  verilən məlumata görə, velosiped idmanı ilə məşğul olan Elfanə Camalova diskvalifikasiya olunub. 
O, nümunə toplanması prosedurasından yayınma, imtina yaxud nümunəni təqdim etməməkdə günahlandırılıb. Camalovanın cəzası idmana qayıtdığı tarixdən hesablanacaq və 24 aylıq sanksiyaya məruz qalacaq. 
Qeyd edək ki, AMADA daha öncə 65 idmançımıza cəza tətbiq edib. Həmçinin ağır atletika üzrə 1 həkim də diskvalifikasiyaya məruz qalıb.