Bir neçə ay əvvəl  Dövlət Gömrük Komitəsinin sədri Səfər Mehdiyev bildirmişdi ki, gömrük sistemində inhisarçılıq və korrupsiya yoxdur, mənə bircə fakt göstərin istefa verim.

 

Cənab Mehdiyev ! 
Biz sənə bir(cə) deyil,  sonsuz sayda faktlar göstərə bilərik. 
ATEF şirkətinin ölkədən çıxardığı külçə, yəni XAMMAL əlvan metallarını HAZIR MƏHSUL kimi qeyidiyyata alıb nə qədər vergidən yayınmışdın ? 
Yəni DGK ölkədən ixrac olunan  məhsulun KOD-unu dəyişir və milyonlar qazanır və… vergidən yayınır. 
İkinci faktı deyək. 
Ölkəyə işlənmiş şin-təkər gətirən sahibkarlardan hər ay yığılan rüşvətin miqdarı milyonları keçib. 
Köhnə təkərlərin  bir konteynerinin “qiyməti”  15 min manatdan 45 min manata, yəni 3 dəfə qaldırılıb. 
Yazıq  təkər satanlar axırda sizin əlinizdən bezib  DGK-nın qarşısında aksiya keçirdilər. 
Üçüncü fakt. 
Sahibkarlar  gömrük işçilərinin əlindən qan ağlayır, DGK-nın binası qarşısında  etiraz aksiyası keçirirlər. 
Aksiyada iştirak edən xeyli  sayda sahibkar Gömrük Komitəsinin onların fəaliyyətinə yaratdığı süni problemlərin aradan qaldırılmasını, qanunsuz əməllərin aradan  qaldırılmasını tələb edirlər. 
Təsəvvür edirsiniz  7 aydır  sahibkarlar, iş adamları qanunsuzluqlarla bağlı  DGK-nın məsul şəxsləri ilə görüşə bilmirlər. 
Dördüncüsü…
Qaynın Zeynal Tarquliyevin biznesmenlərin  başına açdığı oyunları görmürsən..? 
Beşincisi…
Qaynatan Qulu Tarquliyevin Naxçıvan Məclisində dediyi sözlərin stenoqramını fakt kimi göstərək..? 
Davam etməyə lüzum varmı, bəlkə davam edək, cənab Mehdiyev ! 
Bəs, deyirdin, BİRCƏ FAKT göstərin, İSTEFA-ya gedim. 
İndi de görək, istefaya gedirsənmi ? 
Getməsən yaxın günlərdə səni İSTEFA-ya yox, başqa yerə göndərəcəklər.