“Tac-1”in sahibi Şəhərsalma və Arxitektura Komitəsinin binası qarşısında niyə 3 milyon 300 min dəfə təzim etdi ?


Azərbaycanda  tikinti bumu özü ilə bərabər ciddi problemlər də gətirdi. Tikinti şirkətlərinin bir mənzili bir neçə nəfərə satması, mənzillərin vaxtında təhvil verilməməsi, təmirin keyfiyyətsiz olması, mənzillərin dəyərinin şirkətə nəqd ödənilməsi, vergidən külli miqdarda yayınma  və digər hallar az qala adi hal alıb. 
Məhz ona görə də bu gün məhkəmələrdə vətəndaşlarla tikinti şirkətləri arasında  yüzlərlə məhkəmə işi var. 
Belə  tikinti şirkətlərindən biri də  “Tac-1 Residence” MMC-dir. 
Bakının bir çox rayonlarında  əsasən 21 mərtəbəli yaşayış binaları inşa edən “Tac-1” MMC  vətəndaşları narazı salır. 
Hətta bu məsələ ilə bağlı  vətəndaş  şirkəti  cavabdeh qismində Binəqədi rayon məhkəməsinə verib.  
Məhkəmələrimizdə ki, Allah  göstərməsin, molla aşı görəndə  Quran yadından çıxan kimi, nə isə görəndə hər şey yadlarından çıxır. 
Məlumat üçün qeyd edək ki, bir müddət əvvəl “Tac-1” MMC-nin inşa etdiyi 21 mərtəbəli binanın 6-cı mərtəbəsində tikinti uzun müddət dayandı. Məlumata görə,  Dövlət Şəhərsalma və Arxitektura Komitəsi müəyyən səbəblərdən tikintini dayandırmışdı. 
Sonradan tərəflər arasında razılıq əldə olundu, daha doğrusu, şirkətin sahibi  Dövlət Şəhərsalma və Arxitektura Komitəsinin binasının  qarşısında 3 milyon 300 min dəfə əyilib-qalxandan sonra tikintiyə icazə verildi. 
Hazırda tikinti davam edir. 
Növbəti yazımızda binanın qarşısında əyilib-qaxmanın  detalları barədə geniş yazı dərc edəcəyik. /Gundelik-baku.com/