“Neftçalada icra başçılarının “rüşvət dəftəri”ndə 1-ci yerdə Elçin Əsədovun adı olub” başlıqlı ötən yazımızdan sonra telefon zəngləri, dostların xahişləri, görüş təklifləri və s bizim iş rejimimizi əməlli-başlı pozub.
Nə qədər demək olar ki, fasiləsiz telefon zənglərini, xahiş- minnətləri saxlayın, təkliflərinizi dayandırın, biz pul götürmürük. Bizim başlıca istəyimiz mövcud problemlərin aradan qaldırılmasıdır. Yazı silməklə, xahiş-minnətlə problem həll olunmur. Bizim amalımız dövlətə və dövlətçiliyə xidmət etməkdir.
Yazdıqlarımızda zərrə qədər qərəz, qeyri-obyektivlik hiss etsəniz, buyurun mövqeynizi bildirin, biz də işıqlandıraq.
Əvəzində siz nə edirsiniz ?
Dostlarla bizi üz-göz edirsiniz, iş vaxtımızı alırsınız, minnətçi salırsınız, pul təklif edirsiniz və...
Yazıda adı keçən “Meliorasiya və Su Təsərrüfatı” ASC-nin Neftçala Suvarma Sistemləri İdarəsinin rəisi Elçin Ataş oğlu Əsədov deyir ki, xahiş edirəm eşitmirlər, pul verirəm götürmürlər, bəs nə edim, məcburam məhkəməyə verim...
Cənab Elçin Əsədov ! Məhkəməyə müraciət etmək sizin hüququnuzdur. Ancaq nəyi məhkəməyə verəcəksiniz ?
Biz Ulu Öndərdən sitat gətiririk: “ Meliorasiya və su təsərrüfatı bizim sərvətimizdir və bu sərvətdən SƏMƏRƏLİ istifadə etməliyik”. Və deyirik ki, Neftçala Suvarma Sistemləri İdarəsinin rəisi Elçin Əsədov sudan səmərəli istifadə etmir, israfçılıq edir, suyu fermerlrə satır, sudan milyonlar qazanır.
Bəlkə, düz demirik ?
Buyur ver məhkəməyə. Dövlət başçısı özü deyir ki, dözülməz haldır ki, ölkəmizdə su itkisi 40-50 faizdir. Deməli, Elçin Əsədov kimi idarə rəisləri suyu oğurlayıb ki, 40-50 faiz su yoxa çıxıb. Bəs bu boyda suyun pulları hara gedib ?
Biz yazırıq ki, Elçin Əsədov neçə illərdir ki, idarənin balansında olan texnika, avadanlıq və mexanizmləri köhnəlmiş adı ilə balansdan çıxardaraq satır və bu yolla yüz minlər qazanır.
Bəlkə, yalan yazırıq, cənab rəis ?
Babat yoxlama-təftiş olsa bunun hamısı üzə çıxacaq. Həm də sizə nə yoxlama, nə təftiş, atalar demişkən, görünən kəndə nə bələdçi.
Elçin Əsədov, keçirdiyiniz tenderləri niyə həmişə eyni şirkətlər udur ?
Həmin şirkətlərin göstəriciləri tenderin şərtlərinə uyğundurmu ?
Əlbəttə, yox. Bəs niyə elə şirkətləri qalib elan edirsən ?
Çünki sənə “otkat” verirlər.
Buna görə, bizi məhkəməyə vermək istəyirsən ?
Buyur, ver.
Biz yazırıq ki, Elçin Əsədov dövlətin ayırdığı vəsaiti təyinatına görə deyil, öz maddi maraqlarına uyğun sərf edir.
Biz yazırıq ki, Neftçalada gəlib-gedən icra başçılarının “rüşvət dəftəri”ndə həmişə 1-ci yerdə Elçin Əsədovun adı olub.
Bəlkə, elə deyil, yoldaş Əsədov ?
Bəs sevimli icra başçın İsmayıl Vəliyev niyə həbsxana həyatı yaşayır ?
Sənin rayondakı idarə və müəssisə rəhbərlərindən yığıb rayonun icra başçısı İsmayıl Vəliyevə verdiyin pullara görə.
Sənin adının 1-ci yerdə olduğu “rüşvət dəftəri” lazımi orqanlarda var. İnanmırsan ver məhkəməyə.
Biz yazırıq ki, Elçin Əsədov fermerlərin idarə ilə bağladığı müqaviləni bir kənara tullayıb, dövlət rüsumundan əlavə xeyli miqdarda pul tələb edir, torpaq sahələrini əkmək istəyən rayon sakinləri ərazilərini suvarmaq üçün mütləq Elçin müəllimin “bığlarını” yağlamalıdır.
Biz yazırıq ki, Neftçala Suvarma Sistemləri İdarəsində transformatorların, elektrik mühərriklərinin, nasos aqreqatlarının əsaslı təmiri adı altında yüksək məbləğlər hesabdan çıxarılaraq şəxsi ciblərə gedir.
Bunlardan əlavə kanalların təmizlənməsi üçün ayrılan yanacaq və sürtkü yağlarının da pulunu mənimsəyirsən.
Dövlət yeni su kanallarının çəkilməsi üçün milyonlar ayırır. O pullar hara gedir, Əsədov ?
Neftçaladakı balıq göllərinə suyu havayı, müftə verirsən, cənab Əsədov ?
Bakıda və Neftçalada möhtəşəm villaların var ? Babandan qalıb ?
Neftçala sakinləri yazır ki, Elçin Əsədov rüsumdan əlavə hər hektara 200 manat pul tələb edir, bu isə camaatı dövlətdən narazı salır.
Hazırda həbsxana həyatı yaşayan keçmiş icra başçısı İsmayıl Vəliyev o boyda cinayətləri tək etməmişdi. Sən və sənin kimilərlə etmişdi. Niyə o həbsxanada, sizlər bayırda olmalısınız ?
Sizin yeriniz bayır deyil, Bayıldır, yoldaş Əsədov.
Get, ver bizi məhkəməyə. Elə bilirsən bununla yığdıqlarını, daha dəqiq desək oğurladıqlarını qoruya biləcəksən ? Ayy hayy, Əsədov.
P.S Bəzi "jurnalistlər" sənə deyib ki, pulunu ver sənə mirzəlik edək. Gündəlik Bakıya cavab yazaq. Niyə pul vermədin? niyə yazdırmadın. Biləsən ki, həmin sən deyən yazarların özləri də sənin kimidir. /Gundelik-baku.com/