Ağstafanın icra başçısı Seymur Orucovun  “Meqa”sı  

Deyəsən Seymur da gedir Nizaməddinin yanına…

Ağstafanın sabiq icra başçısı Nizaməddin Quliyev korrupsiya əməllərinə görə Dövlət Təhlükəsizlik Xidmətinin (DTX) keçirdiyi xüsusi əməliyyat nəticəsində həbs olunanda  sakinlər düşünürdü ki, nəhayət  rayona bir əməli-saleh icra başçısı gələr. Amma yazıq camaat  nə biləydiki  korrupsiya aparatı köhnəlmiş  Nizaməddin gedib və yerinə cavan və təzəcə korrupsiyanı öyrənən, həm də iştahası güclü olan Seymur Orucov gəlir. 
Hələ üstəlik təzə icra başçısı  “Narxoz”un sabiq rektoru Şəmsəddin Hacıyevin kürəkəni, millət vəkili, “Həmkarlar”ın sahibi  Səttar Möhbalıyevin bacısı oğludur. Yəni hərtərəfli “zaşitası”  var. 
Hələ Allah qoymasa, vəzifəyə islahatçı gənc kimi gəlib. 
Məlumat üçün onu da qeyd edək ki, Seymur Orucov partanın  arxasından duran kimi qaynatasının hesabına “Narxoz”da prorektor olub. Həmin vaxt  Seymur Orucovun həyat yoldaşı Çeşmi xanım Hacıyeva isə “Narxoz”da dekan idi. 
Təsəvvür edin də, qaynata rektor, yeznə prorektor, yoldaşı isə dekan…
Biz axı deyirik, Azərbaycanda “Korrupsiyaya qarşı Mübarizə haqqında” Qanun var, dostlar? 
Yaxşı, bunlar keçmişdə qalıb, yıxaq  keçid-meçid  dövrünün boynuna. 
Bəs bu gün baş  verənlərə nə deyirsiniz..? 
Ağstafanın təzə icra başçısı heç də  sələfindən az qazanmır. 
Bəli, icra başçısının korrupsiya aparatı olan “Səma MM” şirkətini Maliyyə Nazirliyi yoxlayanda bəlli olub ki, xeyli şişirtmə, mənimsəmə halları olub. 
Seymur Orucov  çatma qaşlarını düyərək fikirləşib və təzə  “Meqa İnşaat”  yaradıb. 
Və rayonda abadlıq və quruculuq işləri üçün dövlətin ayırdığı bütün vəsaiti  verib “Meqa”ya…
Təsəvvür edin bağçaların təmirinə görə, “Meqa”ya YARIM MİLYON pul köçürülüb. 
Cənablar, yuxarıda qeyd etdik ki, sizlər “Korrupsiya haqqında qanunu”  vecinizə alımırsınız. Bunu da yazdıq keçid dövrünün boynuna. 
Bəs, “Satınalmalar haqqında”  qanunu niyə pozursunuz ? 
Axı, tenderdə iştirak etmək üçün şirkətin bir neçə illik təcrübəsi olmalıdır. Biz hələ əlavə şərtləri demirik. 
Bağçadan söhbət düşmüşkən, icra başçısının xanımı Çeşminin Maştağada özəl uşaq bağçası var idi. Özü də bağçaya 350 min  dollar dəyərində avto ilə gedib-gəlirdi.
Sonradan Çeşmi xanım Dillər Universitetinin rektoru Kamal Abdullanın  müşaviri oldu. 
Həə, onu da qeyd edək ki, Çeşmi xanımın pomidor yetişdirəm istixanası- “parniki”  də var. Olsun. 
Bəs Çeşmi xanım Azəriqaza olan  150 min borcunu niyə ödəmir ? 
Bəlkə, dədəsi Şəmsəddin müəllimin qaz yataqları var ?
Biz sözlə, bunları başa salan yoxdur ki, taladığınız 100 milyonlarla pul-vəsaiti babanızın deyil e, Azərbaycan DÖVLƏTİNİNDİR…
Deyəsən, Seymur da gedir, Nizaməddinin yanına…
P.S Qarşı tərəfin mövqeyini dərc etməyə hazırıq. /Gundelik-baku.com/
скачать dle 12.1