Kəmaləddin Qafarov və ASTEROİD...
ASTEROİD-in yanında “qara yara” nədir ki...?
Elementar tibbi savadı olmayan adamı Milli Onkologiya Mərkəzinə necə Baş direktor müavini təyin ediblər..?
Kəmaləddin Qafarov həmkarı Cavanşir Feyziyevin başına gələnlərdən nəticə çıxartmalıdır...
Millət vəkili Kəmaləddin Qafarovla bağlı yazıya keçməzdən öncə Astronomiya elmindən Kəmaləddin Qafarova bir-iki anlayışı başa salaq.
İxtisasca tərəvəzçi, üzümçü olan Kəmaləddin Qafarov bilməz ki, kainatda xeyli göy cisimləri var ki, onlardan biri də asteroidlərdir. Böyük kütləyə malik olan asteroidlər müxtəlif zamanlarda YERƏ düşüblər və oranı məhv ediblər.
Məsələn, səhv etmiriksə, 30 iyun 1908-ci ildə Rusiya Federasiyasının Sibir bölgəsində Tunguska ərazisinə asteroid düşüb və orada həyatı məhv edib.
Təsəvvür edirsiniz, bu dəhşətli hadisəyə görə, Birləşmiş Millətlər Təşkilatının qərarı ilə 30 İyun Asteroid Günü kimi qeyd edilir.
Asteroid məsələsini nə üçün yada saldıq..?
Milli Səhiyyəmiz 1 il BAŞSIZ qalanda, səhiyyə naziri olmaq uğrunda xeyli namizəd mübarizə aparırdı.
Onlardan biri də millət vəkili Kəmaləddin Qafarov idi.
Biz hələ o vaxt yazdıq ki, kim olursa olsun, ancaq Kəmaləddin Qafarov olmasın. Niyə..?
Çünki bu adam asteroid kimi bir şeydir, hara düşsə oranı məhv edəcək.
Düzdür e, səhiyyəmiz onsuz da yaman gündədir.
Uzun illər Əli İnsanov və Oqtay Şirəliyev kimiləri səhiyyəmizi bərbad günə qoyub.
Və demirik ki, digər namizədlər guya “şeş-beş” edəcək.
Amma iraq olsun Kəmaləddin Qafarov səhiyyə naziri olsaydı, bu asteroidin Tunquskaya düşməsi kimi olacaqdı. 100 ildir həmin ərazidə ot da bitmir...
İndi başa düşdünüzmü, bizim səhiyyəmizi hansı fəlakət gözləyirdi. Şükür ki, asteroid sovuşdu...
Bəziləri bilməyərəkdən deyir ki, Kəmaləddin Qafarov səhiyyəmizin qara yarası, bəd şişi, nə bilim xərçəngidir.
Əşi, nə danışırsınız, asteroidin yanında şiş-zad nədir ki..?
Biz Kəmaləddini xərçəngə bənzədənlərin məntiqini başa düşürük.
Belə ki, təsərrüfat mütəxəssisi olan Kəmaləddin Qafarov uzun illərdir ki, Azərbaycan Respublikasi Səhiyyə Nazirliyi Milli Onkologiya Mərkəzinin Baş direktorunun müavinidir.
Təsəvvür edirsiniz elementar tibbi savadı olmayan bir adamı Milli Onkologiya Mərkəzinin Baş direktorunun müavini təyin ediblər.
Bu barədə xeyli yazıldığı üçün uzun-uzadı yazmaq istəmirik.
Təsəvvür edirsiniz, dünyada böyük problem olan onkoloji xəstəliklərlə bağlı Mərkəzə Kəmaləddin Qafarov rəhbərlik edir. Vallah, bu dünyanın sonu deməkdir. İnanmırsınız ?
Bu adam hər yerdən ümidi kəsilən xərçəng xəstələrinin başına hansı zülmləri gətirmir ?
Kəmaləddin Qafarov bu əlacsız xəstələrin hesabına milyonlar qazanır.
Bu adam deputat ola-ola “AzəriMed” şirkətinin sahibidir.
Bu adamın direktor müavini olduğu Onkoloji mərkəzdə xəstədən ilk müraciət zamanı 500 manata yaxın pul alırlar. Sonra kimyaterapiya üçün 300 manat, sonra şüa qəbulu 1000 manat, sonra pozitron-emissiya tomoqrafiyasına görə 1500 manat alır.
Hələ bu harasıdır ?
Bu adam dərman sata-sata gəlib deputat olub.
Bəli, bu adam dərman alverçisidir, dərman satmaqla məşğuldur, “Zəfəran” apteklər şəbəkəsinin sahibidir.
Kəmaləddin Qafarov təkcə dərman satmır, ev, mənzil də satır.
Bəli, “universal” Kəmaləddin Qafarovun “VERSAL PALACE” MTK-sı Bakı şəhərində, Ağ Şəhərdə binalar tikir, bahalı mənzillər satır.
İndi isə Kəmaləddin Qafarovun şirkətlərinin az bir siyahısına nəzər salaq.
Yuxarıda qeyd etdiyimiz kimi, Qafarov “AzəriMed” şirkətinin rəhbəridir. Milli Onkologiya Mərkəzi (MOM) qanunla müəyyən olunmuş qaydaları aşkarcasına pozaraq, “AzəriMed” şirkəti ilə heç bir tender olmadan 43 milyon manatlıq alqı-satqı aparıb. Təsəvvür edin, Kəmaləddin Qafarov həm dövlətin 43 milyon vəsaitini verib-alandır, həm də öz şirkətinin 43 milyon manatlıq malını satan.
Milli Onkologiya Mərkəzi (MOM) “Azeri Med” MMC ilə tibbi ləvazimatlar, sarğı materialları, dərman preparatlarının alınmasına dair 10 mln. 120 min manatlıq müqavilə imzalayıb.
MOM “Azeri Med” MMC ilə tibbi ləvazimatlar, sarğı materialları, dərman preparatlarının alınmasına dair ümumi dəyəri 29 mln. 617,6 min manat ($17,4 mln.) olan müqavilələr imzalayıb.
Loru dildə desək, Kəmaləddin Qafarov özü özü ilə müqavilə bağlayır...
Təsəvvür edirsiniz, Kəmaləddin Qafarov Onkologiya Mərkəzinin direktor müavini olaraq dövlətin ayırdığı milyonları öz şirkətinin hesabına keçirir, oradan isə mal, dərman alıb təzədən Onkologiya Mərkəzinə satır.
Kəmaləddin Qafarov 2 dəfədir ki, Milli Məclisə üzv seçilir, deputat olur.
Deputat bu yaxınlarda yarım milyonluq tender uddu. Bəli, Dövlət Sərhəd Xidməti (DSX) “Azeri Med” Qapalı Səhmdar Cəmiyyəti (QSC) ilə ümumi maliyyə dəyəri 441 703.85 AZN təşkil edən iki satınalma müqaviləsi imzalayıb.
Nəsə əlavə etməyə ehtiyac varmı, cənablar ?
Bəs, bu ölkənin qanunları, müvafiq dövlət qurumları hara baxır ?
Deputat necə bizneslə məşğul ola bilər ?
Yazının sonunda Kəmaləddin Qafarova həmkarı, dərman satan, millət vəkili Cavanşir Feyziyevin başına gələnlərdən nəticə çıxartmasını məsləhət görürük.
Məlumat üçün qeyd edək ki, London məhkəməsi Feyziyevin ailə üzvlərinə məxsus 5 milyon funt sterlinqi müsadirə etdi. Eyni aqibət Kənaləddin Qafarovu da gözləyir. Bizdən demək…
Yazıda adları çəkilən bütün tərəflərin mövqeyini dərc etməyə hazırıq.
P.S Eee Kəmaləddin Qafarov, şəxsinə hörmətlə yanaşdığımız ağsaqqalın kölgəsinə sığınmasaydın bilirsən səndən nələr yazardıq. Bilirsən sənin adından bizdən nələr alıblar. /Gundelik-baku.com/
Bakı
5°C