Müdafiə naziri Zakir Həsənovun bacanağı Tibb Baş İdarənin  rəisidir..? 
Elxan İbrahimov  az vaxtda necə GENERAL  oldu ?   

Müdafiə Nazirliyinin  Tibb Baş İdarəsinin rəisi, polkovnik Elxan İbrahimovla bağlı  media üzərindən apardığımız  araşdırma  zamanı  bir-biri ilə daban-dabana  zidd xəbərlərlə rastlaşdıq.  Məlumat üçün bildirək ki, Elxan İbrahimov  müdafiə naziri  Zakir Həsənovun  bacanağıdır.  Onu da qeyd edək ki, bu adam uzun illər Tibb Baş İdarənin  rəis müavini olub.  İnternet üzərindən öyrəndik ki, bu Baş İdarənin əvvəlki rəisi vəzifəsindən uzaqlaşdırılandan sonra  rəis  vəzifəsində polkovnik Firudin Nəbiyevin, Rəşad Behbudovun, Elxan İbrahimovun  və daha kimlərin adı hallanmayıb.  Hətta həmin dövrdə Tibb Baş İdarənin planlaşdırma şöbəsinin müdiri Rəşad Sərxoş oğlu Behbudov mətbuata demişdi ki,  keçmiş rəisi mən vəzifədən uzaqlaşdırmışam və Elxan İbrahimovu da yola salacam… Dəfələrlə ölkə mediası  Elxan İbrahimovun vəzifəsindən uzaqlaşdırılması ilə bağlı xəbər yayıb.  Amma  1 gün sonra  Müdafiə Nazirliyi  bildirib ki, xəbər yalandır.  Sözün düzü,  Müdafiə Nazirliyinin  belə bir-birinə zidd informasiyaları yayması ürək açan deyil… Müdafiə Nazirliyinin Elxan İbrahimovun  idarə rəisi vəzifəsindən azad edilməsi ilə bağlı açıqlamasına baxın:  “Bəzi elektron media resurslarında polkovnik Elxan İbrahimovun Tibb Baş İdarəsinin rəisi vəzifəsindən azad edilməsi ilə bağlı məlumat yayılıb. Bildiririk ki, Tibb Baş İdarəsinin rəisi vəzifələrinin icrası müvəqqəti olaraq polkovnik Firuddin Nəbiyevə həvalə edilib”. Bu  tekstdən kimsə nəsə anlaya bildimi ?  Kimi çıxardıblar, kimi qoyublar ?  Tekstdə  Baş İdarənin rəisi Elxan İbrahimovdan bəhs edilir  və…vəzifənin müvəqqəti olaraq Firuddin Nəbiyevə həvalə edildiyi bildirilir… Sonra başqa bir xəbər oxuyuruq:  Tibb xidməti polkovniki Elxan Paşa oğlu İbrahimova “tibb xidməti general-mayoru” ali hərbi rütbəsi verilsin. Azərbaycan Respublikasının Prezidenti İlham Əliyev. Bakı şəhəri, 9 aprel 2021-ci il. Sözün qısası, cənab nazir Zakir Həsənov qohumların biryerdə işləməsi, hətta yüksək vəzifə daşıması korrupsiya halı deyilmi? /Gundelik-baku.com/