"Məktəbəqədər təhsil müəssisələrində qida rasionlarının tətbiqi normaları qanunvericiliklə tənzimlənir. Bu normativlərin müəyyən olunmasında aidiyyəti səhiyyə qurumları və bu prosesin, eləcə də iaşə xidmətlərinin təşkili üçün müvafiq qurumlar cəlb olunub".

Bunu Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov deyib.

O bildirib ki, nazirliyin həm səhiyyə, həm də qida təhlükəsizliyinə məsul olunan qurumlarla əməkdaşlığı var.

Agentlik direktoru qeyd edib ki, növbəti ilin əvvəlində bağçalarda qidalanma ilə bağlı mövcud normativ sənədlərdə dəyişikliklər edilməsi nəzərdə tutulur.