Xəbər verdiyimiz kimi, Türkiyədə fəaliyyət göstərən aktrisa Məlahət Abbasova Xalq artisti Röya Ayxanı 31 dekabrda bayramı qeyd edib, rəqs etməyinə görə sərt şəkildə tənqid edib.
Onun “Mahnıların yaxşı ola bilər, amma nə əxlaqın var, nə insanlığın var. Bir də anasan" – deməsi qalmaqala səbəb olub.
Yenisabah.az xəbər verir ki, sənətçilər arasındakı qalmaqala aktyor Sərxan Kərəmoğlu da qoşulub.
O, Məlahət Abbasovanı sərt şəkildə tənqid edərək, onun ailəsini dağıdıb, çörəyinə bais olduğunu iddia edib:
“Əxlaq dərsi? İnsanlıq dərsi? Kim deyir bunları, Məlahət? Sən Məlahət, mən 2009-cu ildə İstanbula köçdüm orada mənim evimə gələ-gələ mənim evimi dağıtdın. Sənsən insanlıq dərsi keçən? "TRT Avaz"da mənə iş təklifi gəlmişdi. Gedib orada müdirə əxlaqsız sözlər dedin ki, guya mən sənin haqqında belə  demişəm. Sənsən əxlaq dərsi keçən? Toyuna bir həftə qalmış dəvətnaməsi paylanan bəyi - nişanlını Bakıda qoyub İstanbula qastrola gedib orada qaldın və türkə ərə getdin, ailən isə pərişan oldu. Sənsən əxlaq dərsi keçən? Mənə gələn serial təklifini özünə çevirdin və çörəyimə 2-ci dəfə bais oldun. Sənsən insanlıq dərsi keçən? Bu nə zəmanədir, kimdə nə yoxdursa onunla öyünür, hə? Məlahət Abbasova, sənin ümumiyyətlə, Azərbaycan Mədəniyyəti və İncəsənəti cameəsi haqqında danışmağa haqqın çatmır. Röya səhv edib, özü bilər, qarışa bilmərəm, çünki xalq bilər, Röya bilər. Səni kim asqırdı bu söhbətin içinə?”
Qeyd edək ki, aktrisa Məlahət Abbasova 1991-ci ildə Türkiyə vətəndaşı ilə ailə qurduqdan sonra İstanbulda yaşayır.скачать dle 12.1