"Günlərlə qızdırmam 38 dərəcədən aşağı düşmürdü. Bədənim o qədər pis ağrıyırdı ki, təsəvvürünüzə gətirin, spirti əlimə su kimi tökürdüm, ancaq iyini hiss edə bilmirdim”.
Bu sözləri bir müddət əvvəl koronavirusa yoluxan müğənni Manaf Ağayev deyib. Dalğa TV-də yayımlanan “Günə Bir Şou” proqramının qonağı olan ifaçı yas mərasimlərində virusa yoluxduğunu ehtimal edib:
“Virus elə bir şeydir ki, konkret bilmək olmur kim səni yoluxdurdu. Son zamanlar mən və həyat yoldaşım tez-tez yas mərasimlərinə gedirdik. Düşünürəm ki, yəqin biz də elə orda virusa yoluxduq. Başıma gəlməyincə, bunu boş bir şey kimi qəbul edirdim. Hiss etdim ki, nəsə sümüklərim sızıldayır. Oğlum dedi ki, get, test ver. Onun təkidi ilə getdim, pozitiv çıxdı”.
57 yaşlı müğənni vaxtında xəstəliyin üstünə düşməsə həyatda olmaya biləcəyini deyib:
“Günlərlə xəstəxanada yatmalı oldum. Bir neçə gün sonra həyat yoldaşım da xəstəxanaya yerləşdirildi, çünki vəziyyəti ağırlaşırdı. Vaxtında üstünə düşməsəm, bəlkə də indi həyatda olmazdım. Çünki səhhətimdə bir çox problemlər var".скачать dle 12.1