Türkiyəyə köçən aparıcı Gülnarə Məmmədova ana olub.
O, bu haqda sosial şəbəkədə məlumat yayıb. Gülnarə bildirib ki, övladı hazırda həkim nəzarətindədir:
"20 günlük xəstəxana həyatım bitdi. Evə gəldim, amma canımın yarısı, oğlum Mirac xəstəxanada qaldı. Yenə də yüksək təzyiq ucbatından həkimlər onu çox tez məndən aldılar. Dostlarım, dua edin. Ümid edirəm ki, ildırım eyni yerə iki dəfə düşməz. Çox çarəsiz, gücsüz, amma ümidliyəm".
G.Məmmədova keçmiş ANS kanalında çalışıb. O, “Kamerton” verilişinin aparıcısı olub. Gülnarə 2015-ci ildə türkiyəli iş adamı Özgürlə ailə qurub. Bu onun ikinci nikahıdır.