Prezident İlham Əliyev "Azərbaycan Respublikasında qeyri-hökumət təşkilatlarına dövlət dəstəyi sahəsində idarəetmənin təkmilləşdirilməsi və “Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yaradılması haqqında” Azərbaycan Respublikası Prezidentinin 2007-ci il 13 dekabr tarixli 674 nömrəli Fərmanının ləğv edilməsi barədə fərman imzalayıb.

"Qeyri-hökumət təşkilatlarına dövlət dəstəyinin əsas prinsip və formaları, prioritet sahələri, dövlət dəstəyinin təmin olunmasının əsas vasitələri və digər konseptual məsələləri ilə bağlı Azərbaycan Respublikası Prezidentinin 2007-ci il 27 iyul tarixli 2288 nömrəli Sərəncamı ilə “Azərbaycan Respublikasının qeyri-hökumət təşkilatlarına dövlət dəstəyi Konsepsiyası” təsdiq edilmişdir.

Gundeminfo.az xəbər verir ki, bu rəsmi qərarla qartıq Qeyri Hökumət Təşkilatlarına Dövlət Dəstəyi Şurası ləğv edilib.

Bəs bundan sonra prosses necə olacaq? Azay Quliyevi də Kütləvi İnformasiya Vasitələrinə Dövlət Dəstəyi Şurasının sədri Vüqar Səfərlinin taleyi gözləyə bilərmi? Maraqlı maqam ondan ibarətdir ki, oxşar prosseslər KİVDF-də baş verdiyi kimi, QHT Şurasında da baş verir. Amma Azay Quliyev millət vəkilidir. Vüqar Səfərli isə millət vəkili deyildi. Lakin heç kimə sirr deyil ki, Azay Quliyev uzun illər PA-da yüksək görəvdə olan Ramiz Mehdiyevlə Əli Həsənovun yaxın çevrəsində təmsil olunublar. Hətta Bakı Sosial İdarəetmə və Politologiya İnstitutunda (Dövlət İdarəçilik Akademiyası) rektorun köməkçisi postunda işləyib. Gundeminfo.az-a daxil olan məlumata əsasən Ramiz Mehdiyevin əsas "qalalarından" olan bu təhsil ocağında təmsil olunmaq, istənilən halda "yüksəliş" demək idi. Məlumatlara əsasən bu yaxınlarda Hesablama Palatası tərəfindən QHT Şurasında aparılan araşdrmalar, orataya çıxan yeyintı faktları da Azay Quliyevlə birbaşa əlaqəli ola bilər. Hətta keçmiş QHT Şurasında icraçı direktor olaraq fəaliyyət göstərən Fərasət Qurbanovun layihələrin icra vəziyyəti, kimlərə layihə verilməsi, o cümlədən də sosial şəbəkələrdə nazir müavinləri, Ramiz Mehdiyevə yaxın çetenin maliyyələşdirilməsi məsələri də kifayət qədər diqqəti çəkir.

Anlaşılan odur kiİ .illərlə dövlətin vəsaitlərini, büdcə pullarının layihə halında uyğun olmayan istiqamətlər üzrə istifadə edilməsi araşdırılacaq. Yerli mediada yayılan xəbərlərin analizi də göstərir ki, Azay Quliyevin rəhbəri olduğu qurum uzun illər Əli Həsənovun olan ünvandan çıxmaq qərarına gəlib. Bu xəbər Hesablama Palatasının Şurada apardığı araşdırmalardan sonra ciddi pozuntular ortaya çıxandan sonra yayıdlı. Əlbəttə ki, QHT Şurasının rəhbərliyi bir qədər tələsik qərar versə də izlər ortadadır.

Gundeminfo.az-a daxil olan məlumata əsasən yaxın günlərdə Azay Quliyevin QHT Şurasına rəhbərlik etdiyi dönəmlə bağlı ciddi araşdırmalara başlanacaq. Mövzu ilə bağlı araşdırmalarımız davam edir. Qarşı tərəfin də mövqeyini dinləməyə hazırıq.