Azərbaycanı “Avroviziya” mahnı müsabiqəsində təmsil edən Samirə Əfəndinin birinci yarımfinaldakı çıxışı trendə düşüb.
İfaçının “Mata Hari” şousu müsabiqənin rəsmi yutub hesabında 2 milyona yaxın baxış toplayıb. Əfəndinin çıxışı Azərbaycan üzrə trenddə ilk sırada qərarlaşıb.
Eyni zamanda, Samirənin canlı ifasından sonra “Mata Hari” bir çox ölkələr üzrə musiqi listlərində yüksəlməyə başlayıb.
“Apple Music” üzrə Azərbaycanda 33, Maltada 41, Litvada 61, Kiprdə 65, Yunanıstanda 100, Niderlandda 103, Finlandiyada 168, İsveçdə isə 176-cı sıradadır.