Adəm və Hatəm qardaşları başa düşmür ki, xarici güclər ölkəmizdə AİLƏ institutunu dağıtmaq istəyir...
Adətən siyasi və diplomatik ismarıclar açıq tekstlə olmur.
Ancaq Azərbaycan Prezidenti İlham Əliyev cənabları son vaxtlar regional və dünya güclərinə konkret olaraq bildirir ki, biz müstəqillik və milli-nənəvi dəyərlər məsələsində heç kimə güzəştə getməyəcəyik.
Hətta cənab İlham Əliyev axırıncı çıxışında bəyan etdi ki, işğal olunmuş Qarabağ torpaqları uzun illər narkotrafik üçün tranzit olub.
Bəli, İrandan uzun illər Qarabağ vasitəsilə Ermənistan-Rusiya xəttilə Avropaya külli miqdarda narkotik daşınıb.
Cəmiyyət üçün ən böyük bəla narkotik və əxlaqsızlıq yuvalarıdır.
Narkotik məhsullara qarşı Azərbaycan dövlətinin son illər apardığı açıq və kəskin mübarizəni bütün cəmiyyət görür və dəstəkləyir.
Bu işdə Daxili İşlər Nazirliyinin və cənab nazir Vilayət Eyvazovun səyləri danılmazdır.
Əslində narkotik və əxlaqsızlıq yuvaları bir medalın iki üzüdür. Biri olmasa o biri də ola bilməz.
Digər tərəfdən əxlaqsızlıq yuvaları bəzi güc mərkəzləri üçün təkcə milyonlarla qazanc mənbəyi deyil. Həm də..
Azərbaycan kimi ölkələrdə gücproblemlə bağlı faktlara söykənən yazılar dərc etmişik.
Məsələn, milli-mənəvi dəyərlərimizlə bir araya sığmayan, bir çox ailələrin dağılmasına səbəb olan, infeksion xəstəliklərin yayılmasının əsas mənbəyi sayılan əxlaqsızlıq yuvalarının artmasını ciddi sosial problem olduğunu dəfələrlə yazmışıq.
Dəfələrlə yazmışıq ki, əxlaqsızlıq yuvaları əvvəllər gizlin formada özünü göstərərdi. Bu gün az qala məktəblərin, uşaq bağçalarının, xəstəxanaların yaxınlığında əxlaqsızlıq yuvaları fəaliyyət göstərir.
Bu gün paytaxtımızın mərkəzində otellər, istirahət mərkəzləri əxlaqsızlıq yuvalarına çevriliblər.
Hətta Milli Məclisdə əks cinslərin bir yerdə otellərə gəlməsi məsələsi müzakirə olunur.
Bu işdə telekanallarda gedən və milli-mənəvi dəyərlərimizə zidd olan verilişlərin də rolu az deyil. Bu verilişlər yeniyetmələrin və gənclərin həyat tərzinə və psixologiyasına ciddi zərbə vurur.
Problem o qədər aktuallaşıb ki, ölkənin Daxili İşlər Nazirliyinin tabeçiliyində İnsan Alverinə Qarşı Mübarizə Baş İdarəsi fəaliyyət göstərir.
Hər gün xəbərlərdə, saytlarda, sosial şəbəkədə bu mövzuda nə qədər xəbərə rast gəlirik. Hətta öz mənzilini əxlaqsızlıq yuvasına çevirənlər də var.
Bu gün istirahət mərkəzlərində, otellərdə də yüngül həyat tərzinin nümayəndələri meydan sulayır.
İnsan Alverinə Qarşı Mübarizə Baş İdarəsinin əməkdaşları hər gün nə qədər əməliyyat keçirir, yenə bu problem öz həllini tapmır. Deməli, problemin kökləri çox dərinə işləyib.
Axı, nə qədər yazmaq olar ki, Adəm və Hatəm qardaşları fahişə biznesini özləri üçün qazanc mənbəyinə çeviriblər.
Birincisi, Adəm və Hatəm qardaşları hətta müqəddəs dinimizdə keçən AD-larından utanmırlar.
İkincisi, bu qardaşlar fahişə biznesindən qazandıqları çörəyi öz ailələrinə, balalarına necə yedirdirlər ?
Bunlar məsələnin mənəvi-əxlaqi tərəfidir.
Biri də var məsələnin daha ciddi olan hüquqi tərəfi.
Tutaq ki, bu qardaşlar üçün AD, AİLƏ, DİN kimi müqəddəs dəyərlər yoxdur. Bəs HÜQUQ ?
Bəs hüquq-mühafizə orqanları hara baxır ?
Niyə bu günədək bu qardaşlar həbs olubnmayıb ?
Neçə dəfə yazmaq olar ki, bu qardaşların kabinetləri gizli çəkiliş, videomaterial, kompromat üçün məkandır. Yəni bu qardaşlar təkcə fahişələrə xidmət etmir, həm də kompramat vasitəsilə insanları təhdid, şantaj edərək, böyük məbləğdə pul alırlar.
Axı, bu əxlaqsız qardaşları hansı məmur belə ciddi-cəhdlə müdafiə edir ?
Bizi və cəmiyyəti bu suallar düşündürür.
Buyurun, cavab verin, cənab səlahiyyət sahibləri.
Cavablarınızı dərc etməyə hazırıq.
Bircə bizdən yazı barədə xahiş etməyin. /Gundelik-baku.com/