Adəmin kimliyi, nəçiliyi, az qala hamıya bəllidir. O, Allahın yaratdığı  ilk insan və insan nəslinin ulu babasıdır. 
Ancaq haqqında söhbət açacağımız qardaşlardan biri olan Adəm isə hüquq-mühafizə orqanlarında çalışıb. 
Yazımızın  “qəhrəmanları”  olan qardaşların o biri isə Hatəmdir.  
Şərq əsatirində çox varlı, əliaçıq, səxavətli adam haqqında Hatəm sözü işlənir. 
Haqqında əfsanələr dolaşan varlı Hatəm öz sərvətini,  varını  halal yolla qazanmışdır. 
Bizim yazının “qəhrəmanı”  Hatəm kimi əxlaqsızlıq yuvalarından pul qazanmırdı.
Bəli, insan oğlunun çörəyi daşdan da çıxa bilər. Amma əxlaqsızlıq yuvalarından qazanılan  çörəyi heç it də yeməz. 
Ümumiyyətlə,  əxlaqsılıq yuvaları mövzusu bu gün daha çox aktuallaşıb. 
Milli-mənəvi dəyərlərimizlə bir araya sığmayan, bir çox ailələrin dağılmasına səbəb olan, infeksion xəstəliklərin yayılmasının əsas mənbəyi sayılan əxlaqsızlıq yuvalarının artması ciddi sosial problem olaraq cəmiyyəti təhdid edir. 
Əxlaqsızlıq yuvaları  əvvəllər  gizlin formada özünü göstərərdi. Bu gün az qala məktəblərin, uşaq bağçalarının, xəstəxanaların yaxınlığında  əxlaqsızlıq yuvaları fəaliyyət göstərir. 
Bu gün paytaxtımızın mərkəzində  otellər, istirahət mərkəzləri öz həqiqi təyinatını dəyişib, əxlaqsızlıq  yuvalarına çevriliblər.   
Bu işdə telekanallarda  gedən verilişlərin də rolu az deyil. Bu verilişlər  yeniyetmələrin və gənclərin həyat tərzinə və psixologiyasına ciddi  zərbə vurur. 
Problem o qədər aktuallaşıb ki, ölkənin Daxili İşlər Nazirliyinin tabeçiliyində  İnsan Alverinə Qarşı Mübarizə Baş İdarəsi fəaliyyət göstərir. 
Hər gün xəbərlərdə, saytlarda, sosial şəbəkədə bu mövzuda nə qədər xəbərə rast gəlirik. Hətta öz mənzilini əxlaqsızlıq  yuvasına çevirənlər də var. 
Bu gün istirahət mərkəzlərində,  otellərdə də yüngül həyat tərzinin nümayəndələri  meydan sulayır.   
İnsan Alverinə Qarşı Mübarizə Baş İdarəsinin əməkdaşları hər gün nə qədər əməliyyat keçirir, yenə bu problem öz həllini tapmır. 
Bu məsələdə  rüşvətxor, korrupsioner, harınlamış məmurların da  rolu danılmazdır. 
Yazının girişində adını qeyd etdiyimiz Adəm və Hatəm qardaşları da  fahişə biznesini özləri üçün peşəyə, qazanc mənbəyinə çeviriblər. Qardaşların obyektlərinə kimlər gəlmir, kimlər getmir. Və qardaşlar öz müştərilərinin videolarını yayaraq,  onları  şantaj edərək  bizneslərini çiçəkləndirirlər. Görəsən, bu qardaşlar qazandığı  pulları evə aparanda ailələrinə, uşaqlarına nə deyirlər ? 
Mənbəyi əxlaqsızlıq olan  çörəyi öz övladlarına necə yedirirlər ? 
Axı, milli dəyərlərimizdə çörək müqəddəs kitaba bərabər tutulur, insanlar çörəyə and içirlər. Amma Adəm və Hatəm qardaşlarının çörəyinə nəinki and içmək, heç elə çörəyi itə də atmaq olmaz. 
Bunlar məsələnin mənəvi-əxlaqi tərəfidir. 
Bəs hüquq-mühafizə orqanları, müvafiq qurumlar hara baxır ? 
Nə üçün Adəm və Hatəm qardaşlarına DUR deyən yoxdur. 
Unutmamalıyıq ki, bu hal uzun müddət davam edərsə, bu əxlaqsılğa DUR deməyənlərin də  bir gün qapısını döyəcəkdir.
P.S Növbəti sayımızda Hatəm və Adəm qardaşlarının havadarları haqqında yazı dərc edəcəyik. Bizi izləyin. /Gundelik-baku.com/скачать dle 12.1