Müğənni İbrahim Borçalı bir müddət bundan əvvəl qəzada ölən oğlu Rəhim üçün yeni ev alıbmış.
Musavat.com bildirir ki, bu barədə şairə Nazilə Səfərli sosial şəbəkədə paylaşdığı statusunda bildirib:
"İbrahimə dünyanı dar edən oğul. Sənsiz qeyd etdiyimiz ilk doğum günündür, Rəhim. 21 yaşın olur. Anan həminki təlaşla süfrə hazırlayır. Atan ailə dostlarına zəng edir ki, Rəhimin ad günüdür... İbrahimin sənə aldığı təzə evi bəyənməyib, dar məzarı seçdin".
Xatırladaq ki, müğənni İbrahim Borçalının oğlu Rəhim ötən ay Gürcüstanda avtomobil qəzasında dünyasını dəyişib. Ağır avtomobil qəzası keçirən Rəhim yerindəcə keçinib. Pandemiya səbəbindən müğənni oğlunun nəşini Bakıya gətirə bilmədiyi üçün Gürcüstanda dəfn edib.