Təhsil nazirləri dəyişsə də məktəblərin problemləri bitmək bilmir. Müdriklərin buyurduğu kimi, dənizin dadını bilmək üçün bircə damcı da kifayət edir. Ona görə 2 məktəbin timsalında Nərimanov rayonunda təhsilin durumunu bilmək olar. İlk öncə 45 saylı orta məktəbdən başlayaq. Bir neçə il əvvəl bu məktəbdə baş verən rüsvayçılıq barədə bütün ölkə bildi, saytlar yazdı, sosial şəbəkələrdə paylaşdılar. Təsəvvür edirsiniz XI sinif şagirdi qızla məktəbin qadın müəlliməsi arasında az qala sevgi yaşanırmış. Bircə lesbiyankamız çatmırdı. Düzdür o zamankı məktəb direktoru Nazilə xanım təcili olaraq qadın müəlliməni işdən uzaqlaşdırdı. Hə, nə olsun ? Problemlər davam edirsə, işdən çıxarmağın nə faydası. 45 saylı məktəbin hazırkı direktoru Nəcibə Axundova da sövdələşmə yolu ilə bu vəzifəyə gəlib. Və şagirdlərə də təmir, fond, bayram pulu kimi baxır. Yəni məktəbin divarlarında “Uşaqlar bizim gələcəyimizdir” yazılsa da şagirdlərə pul mənbəyi kimi baxırlar. Şəhid Natiq Tağıyev adına 212 saylı orta məktəbdə də vəziyyət eynidir. Təsəvvür edirsiniz şəhidin adını daşıyan, açılışında Prezident İlham Əliyevin iştirak etdiyi məktəbdə nələr baş verib. Düzdür hazırda koronavirusla bağlı məktəblər bağlanıb. Ancaq məktəblər bir gün açılacaq və yenidən problemlər başlayacaq. Məktəbin direktoru Rəhimova Məlahət xanım bilmir ki, bayramlarda şagirdlərdən nə qədər pul toplanır? Görəsən direktor bilmir ki, pul verməyən imkansız uşaqları hansı həddə çatdırırlar ? Bilmirsə, lap pis. Bilirsə, bu artıq bizim deyil,müvafiq orqanların işidir.
Ardı var......
''Gündəlik Bakı''nın Araşdırma Qrupu(gundelik-baku.com)