Rejissor Kənan M.M. TikTok sosial şəbəkəsindən əldə etdiyi gündəlik gəlirini açıqlayıb.
 
Bu barədə o, “Günə doğru” verilişində danışıb.
 
Rejissorun sözlərinə görə, onun sosial şəbəkədən gündəlik gəliri 200 dollar təşkil edir: “Əvvəl hesab açanda fikirləşdim ki, birdən canlı yayımda uduzaram. Belə də oldu. Sonra izləyici yığıldı. Pula çevirəndə təxminən 200 dollar qazanıram”.
 
Kənan M.M. əldə etdiyi gəlirini elə TikTok-da xərclədiyini vurğulayıb: “Amma o pulu çıxartmağa utanıram. Elə TikTok-da xərcləyirəm. Canlı yayımlarda hədiyyə göndərirəm. Qoy, insanlar sevinsin”.