Xalq artisti Samir Cəfərov MTV Azərbaycan kanalında yayımlanan “10-da görüşək” proqramının qonağı olub.
Aparıcının suallarını cavablandıran müğənni səhnəmizdə olan sənətçilərin ifaları barədə fikirlərini bildirib.
Bəyəndiyi müğənnilərin adlarını çəkən Xalq artisti maraqlı açıqlamalar edib:
“Elə bilirsiniz ki, şou-biznesdə səsləri olanlar çoxdur?!
Oxuyanların 20 faizinin səsi olduğunu düşünürəm. İki nəfərin adını çəkə bilərəm: Sevda Ələkbərzadə və Natavan Həbibi.
Digərlərinin də səsi var. Təbii səsləri olduqlarını hesab etdiklərim isə bunlardır. Yaradıcı ifaçılıqdan söhbət gedir. Elton, Zamiq, Ayaz Qasımov da gözəl ifaçılardır. Avroviziya təmsilçimiz Elnur Hüseynovun ifası isə Azərbaycan tamaşaçısı üçün deyil”.