ABŞ dövlət istiqrazlarının gəlirliliyinin artmasının təzyiqi altında qızılın qiyməti düşüb.
Nyu-Yorkun “Comex” birjasında qızılın iyun fyuçersləri 0,21%, yaxud 3,95 ABŞ dolları ucuzlaşaraq 1 unsiyası 1 812,12 ABŞ dollarına satılıb. Gümüşün iyul fyuçerslərinin qiyməti isə 0,66% düşərək 1 unsiyası 21,407 ABŞ dolları təşkil edib.
ABŞ-ın 10 illik istiqrazlarının gəlirliliyi 2,884%-dən 2,908% səviyyəsinədək artıb. Gəlirliliyin yüksək olması qızılın satınalmalar üçün cəlbediciliyini azaldır ki, nəticədə qiymətdə azalma qeydə alınır.