Mediada AZSIGORTA ASC-nin keçmiş əməkdaşı Seymur Babayevin şikayəti barədə yayımlanan məlumatlara dair bildirmək istərdik ki, 2016-cı ildən şirkətin Şirvan-Muğan filialında satış nümayəndəsi kimi fəaliyyət göstərən S.Babayevin müştərilərlə dəfələrlə ciddi mübahisələrinin olması faktı aşkarlanmışdır. Bu barədə DİA.AZ-a "Azsığorta"dan verilən məlumatda deyilir.

Daha sonra bildirilir: "Sığortalının şikayəti əsasında S. Babayevin müştərilərlə rəftarı və bağladığı müqavilələr yoxlanılmışdır.

Müəyyən edilmişdir ki, Seymur Babayev Daşınmaz əmlakın İcbari Sığortası müqavilələri və eləcə də Əmlakın yanğından və digər əlavə risklərdən sığortası növü üzrə sığorta müqavilələri bağlayarkən əmək müqaviləsi ilə müəyyən edilmiş öhdəliklərini yerinə yetirməmiş, sığorta məhsullarının satışını həyata keçirərkən sığortalıların ciddi narazılığına səbəb olan kobud pozuntulara yol vermiş, Cəmiyyətin nüfuzuna ciddi ziyan vurmuşdur.

Sığortalının şikayəti və araşdırmanın nəticəsi nəzərə alınaraq, S.Babayev Azərbaycan Respublikası Əmək Məcəlləsinin 70-ci maddəsinin “ç” bəndinə əsasən tutduğu vəzifədən azad edilmişdir.

Qeyd edək ki, sözügedən əməkdaş əmrin ləğvi, işə bərpa, maddi və mənəvi zərərin əvəzininjn ödənilməsi barədə iddia ərizəsi ilə Bakı şəhəri Yasamal Rayon Məhkəməsinə müraciət etmişdir. Bakı şəhəri Yasamal Rayon Məhkəməsinin 2(004)-1720/2020 saylı qətnaməsi ilə iddiaçı Babayev Seymur Nizami oğlunun iddia tələbi əsassız olduğundan təmin edilməmişdir.

İddiaçı iddia tələbi üzrə Apelyasiya şikayəti vermişdir".скачать dle 12.1