2022-ci ilin ilk altı ayında dövlət büdcəsinin mədaxili 14205,5 milyon manat, xərcləri 12936,6 milyon manat olub, 1268,9 milyon manat məbləğində dövlət büdcə sinin artıqlığı (profisit) yaranıb.
Bu barədə Maliyyə Nazirliyindən məlumat verilib.
Qeyd edilib ki, 2022-ci ilin ilk altı ayında dövlət büdcəsinin mədaxili 14205,5 milyon manat və ya altı aylıq proqnoza qarşı 973,7 milyon manat (7,4 faiz) çox icra olmuşdur. Bu 2021-ci ilin eyni dövrü ilə müqayisədə 2450,5 milyon manat və ya 20,8 faiz çoxdur.