Bölgədə yeni əməkdaşlıq imkanları yaran bir dövrdə, 30 il yaşayış olmayan bu ərazilərdə yeni bərpa quruculuq işləri aparılan bir dövrdə, hər hansı üçüncü tərəfin təxribatyönümlü addımlar atması və ya onların təsiri ilə qarşı tərəfin addım atması, destruktivlik nümayiş etdirməsi yolverilməzdir, qəbuledilməzdir.
Bunu xarici işlər naziri Ceyhun Bayramov XİN-də 8 noyabr – Zəfər Gününə həsr olunmuş tədbirdə deyib.
Nazir bildirib ki, Azərbaycan buna yol verməyəcək: “Azərbaycan bütün təxribatların qarşısını qətiyyətlə alacaq. Bizim strategiyamız bəllidir, biz beynəlxalq hüququn prinsiplərinə və normalarına uyğun olaraq, qarşılıqlı ərazi bütövlüyünün tanınması və ona hörmət edilməsi ilə əməkdaşlığın qurulmasını istəyirik və bu istiqamətdə işləməyə davam edəcəyik