Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən dekabr ayının bütün müavinət, təqaüd və ünvanlı dövlət sosial yardımları 31 dekabr – Dünya Azərbaycanlılarının Həmrəyliyi Günü və Yeni il bayramı ilə əlaqədar olaraq qrafikdən əvvəl – bu gün ödənilib.
Bu barədə ƏƏSMN məlumat yayıb.
Bildirilib ki, vətəndaşlar bu sosial ödənişlərini onlara verilmiş kartlar vasitəsilə müvafiq bankların bankomatlarından əldə edə bilərlər.
Bundan əvvəl dekabrın 8-də Bakı və Sumqayıt şəhərləri, Abşeron rayonu, dekabrın 15-də isə ölkəmizin digər bölgələri üzrə pensiyalar, o cümlədən güzəştli şərtlərlə təyin edilmiş pensiyalar ödənilib.
Beləliklə, dekabr ayının bütün sosial təminat növləri üzrə ödənişləri bu gün yekunlaşıb.
Bakı
5°C