Xalq artisti Məleykə Əsədova illərdir onun gənclik fotosu olduğu iddia edilən xanımın özü olmadığını açıqlayıb. 
Aktrisa bu haqda ATV telekanalında yayımlanan “7 Canlı” proqramında qonaq olarkən danışıb:
“Yazılan heç nəyə cavab vermirəm. Həyat elədir ki, lap eybəcər, ya gözəl olum... Gözəllik gəldi-gedərdi. Əsas qəlbimin içidir. Hamının yaxşı gününü diləyirəm, Allah da üzümə nur verib. İllərdir bir qız şəkli tapıb qoyurlar fotomun yanına, yazırlar “Məleykə 20 və 53 yaşında”. 31 ildir səhnədəyəm. 20 yaşımda tamaşaya çəkilmişəm, baxın ordakı halıma. Həmin şəkildəki qız mən deyiləm. Lap eybəcərəm, ya gözələm, nə olsun? İnsani keyfiyyətlərimi itirməyim. Külək kimi o yana, bu yana dönmürəm”.