İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti daha bir dövlət qurumunun keçirdiyi tenderi ləğv edib.

FED.az xəbər verir ki, Xidmətin 2 oktyabr 2020-ci il tarixli AİBNDX-15/01-5/927S nömrəli məktubuna əsasən Kənd Təsərrüfatı Nazirliyi yanında Aqrar Xidmətlər Agentliyində (AXA) Aparat məqsədilə müxtəlif növ maşın və avadanlıqların satın alınması məqsədilə açıq tender üsulunu tətbiq etməklə 2020-ci il sentyabrın 14-də keçirilmiş elektron satı¬nalma «Dövlət satınalmaları haqqında» Azərbaycan Respublikası Qanunun 11.2-ci maddəsinə uyğun olaraq ləğv edilib.

Qeyd edək ki, «Dövlət satınalmaları haqqında» qanunun 11.2-ci maddəsində deyilir:
«11.2. Satınalan təşkilat dövlət mənafelərinin qorunması məqsədi ilə aşağıdakı hallarda bütün tender təkliflərinin, oferta və kotirovkaların aksept olunana qədər rədd edilməsi barədə qərar qəbul edə bilər:

tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmə müəyyən etdikdə;

tender təklifləri tenderin əsas şərtlər toplusuna uyğun olmadıqda;

tender predmetinin maliyyələşdirilməsi dayandırıldıqda.

Bu qərar müvafiq icra hakimiyyəti orqanı tərəfindən təsdiq olunmalıdır. Satınalan təşkilat tender təklifi, oferta və ya kotirovka təqdim etmiş malgöndərənin (podratçının) sorğusu ilə ona bütün tender təkliflərini, ofertaları və ya kotirovkaları rədd etməsi barədə məlumat verir».скачать dle 12.1