Pakistanın şimal-qərbində partlayış nəticəsində 4 polis həlak olub.

Bu barədə “Reuters“ agentliyi məlumat yayıb.

Məlumatda deyilir ki, Dera İsmayıl Xan bölgəsində polis idarəsinə hücum edilib. Silahlı qarşıdurma zamanı bomba partladılıb və baş vermiş terror aktı nəticəsində 28 nəfər də müxtəlif dərəcəli bədən xəsarətləri alıb.

Baş vermiş hadisəyə görə məsuliyyəti “Təhrik-i-Taliban-i-Pakistan” (və ya Pakistan Talibanı) öz üzərinə götürüb.