Ukraynada müharibə bitməmiş keçirilən seçki Zelenskiyə müəyyən zəmanətlər verə bilər.

Bakisesi.com Teleqraf-a istinadən xəbər verir ki, bunu Rusiya İctimai Palatasının komissiya sədri Vladimir Roqov bildirib.

Onun sözlərinə görə, müharibə başa çatmadan prezident seçkilərinin keçirilməsi o deməkdir ki, Volodimir Zelenski vəzifədən getməsi üçün müəyyən təminatlar alıb.

Roqov vurğulayıb ki, seçki müharibə dövründə baş tutsa, Ukrayna liderinin hakimiyyətdə qalmaq imkanları məhdudlaşacaq.

“Zelenskinin hakimiyyəti təhvil verməsi qarşılığında hansısa zəmanətlər və “qızıl paraşüt” alması ehtimalı böyükdür. Onun yerinə Zalujnı və ya Qərbin təyin edəcəyi digər fiqur keçə bilər”, - Roqov qeyd edib.

Komissiya sədri bildirib ki, Ukrayna hakimiyyəti çıxılmaz vəziyyətə düşdüyündən seçkilərin keçirilməsinə razılıq verib.