Rusiya prezidenti Vladimir Putin, ABŞ lideri Donald Tramp və Volodimir Zelenski arasında üçtərəfli görüş çətin ki, yaxın gələcəkdə baş tutsun.

"Bakisesi.com" xəbər verir ki, bunu Rusiya liderinin mətbuat katibi Dmitri Peskov jurnalistlərə açıqlamasında deyib.

Ağ Evin Trampın belə üçtərəfli görüşə açıq olması barədə bəyanatını şərh edən Kremlin sözçüsü “Yaxşı, açığını desəm, çətin ki, bu, tezliklə baş versin”, - deyə cavab verib.

Peskov Putinin dəfələrlə ən yüksək səviyyədə təmaslara hazır olması barədə danışdığını xatırladıb, “bu təmasların texniki səviyyədə, ekspertlər səviyyəsində artıq işlənib hazırlanacaq razılaşmaların nəticəsi olması lazım olduğunu vurğulayıb”.