İnkişaf etmiş varlı ölkələr ehtiyaclarından artıq miqdarda koronavirus əleyhinə vaksin alır.
Bakısəsi xarici KİV-ə istinadən xəbər verir ki, bir neçə nüfuzlu insan haqları təşkilatının birgə yaratdığı "Xalqın Vaksin İttifaqı" platforması bu barədə hesabat hazırlayıb.
Qeyd olunur ki, zəngin ölkələrin ehtiyac olduğundan artıq sayda vaksin alması məhdud sayda istehsal olunmuş vaksinlərə inkişaf etməkdə olan yoxsul ölkələrin əlçatanlığını təhdid edir. Bazar iqtisadiyyatı qanunlarına uyğun şəkildə tələbin çox olması qiymət artımına da səbəb olur. Təklifin məhdudluğu isə qiymət artımının daha da çox olmasına gətirib çıxarır. Əhalisinin sayından 4-5 dəfə çox olmaqla, ən çox vaksin alan ölkələrin Kanada, Avropa İttifaqı ölkələri və digər ölkələr olduğu bildirilir.
İnkişaf etmiş ölkələrin əhalisi ümumi dünya əhalisinin 14 faizini təşkil etsə də, vaksinlərin 53 faizi bu ölkələr tərəfindən satın alınır. Bu, kasıb ölkələrdə vaksinlərin hər on nəfərdən yalnız birinə çatmasına səbəb olur və hər 10 insandan 9-u vaksindən məhrum qalır.скачать dle 12.1