Böyük Britaniyada 3-cü dəfə sərtləşdirilmiş karantin rejimi elan olunub.
Baş naziri Boris Conson, ölkədə artan koronavirus hadisələrinə nəzarət etmək üçün karantin rejiminin daha da sərtləşdiriləcəyini açıqlayıb.
O, yeni koronavirus variantının əvvəlki dalğaya nisbətən 50 ilə 70 faiz arasında daha tez yayıldığını, bunun xəstəxana potensialına təzyiq göstərdiyini və qarşıdakı həftələrdə vəziyyətin daha çətin olacağını söyləyib.
Bütün ticarət mərkəzləri, mağazalar, restoranlar və məktəblər qapalı olacaq.
Məhdudiyyətlərin fevralın ortalarına qədər davam edəcəyi gözlənilir.
Conson hər kəsi evdə qalmağa və sağlıqlarını qorumağa çağırıb.
Xatırladaq ki, Krallıqda koronavirusa yoluxanların sayı son bir həftədə 50 mini ötüb.