Suriyada prezident seçkilərində iştirak edəcək namizədlərin sayı 51 nəfərə yüksəlib.
Aprelin 28-də namizədlərin qeydiyyatı prosesi tamamlanıb.
Rəsmi məlumata görə, 7-si qadın olmaqla namizədlərin ümumi sayı 51 nəfərə çatıb.
Suriyadakı prezident seçkilərində iştirak etmək istəyənlər parlamentin 250 üzvündən 35-nin razılığını almalıdırlar. Bundan başqa, Konstitusiyasına görə, prezidentliyə namizəd olmaq istəyən hər kəsin 40 yaşı, Suriya vətəndaşlığı, qeyri-suriyalı ilə nikahda olmaması və ölkədə ən azı 10 il yaşaması tələb edilir.
Seçkilər mayın 26-da keçiriləcək.