Fələstin-İsrail arasında vəziyyət getdikcə gərginləşir. Belə ki, İsrailin Dəmir Günbəz hava müdafiə sistemi Həmasdan atılan 920 raketi zərərsizləşdirə bilməyib.
Həm gündüz, həm gecə, həm də hər cür hava şəraitində işləmək üçün dizayn edilmiş təhlükəsizlik sistemini məhv etmək üçün bu günədək Fələstin tərəfindən, ümumilikdə, 2300 raket atılıb. Hərbi mütəxəssislər və analitiklər raket və tank əleyhinə raketlərlə hücumlar təşkil edən fələstinli qrupların taktikaları dəyişdirərək Dəmir Günbəzi aşmağa başladıqlarına diqqət çəkib.
Qeyd edək ki, İsrail ilk dəfə 2011-ci ildə Dəmir Günbəzdən istifadə edib. Sistem İsrailin müdafiə şirkəti “Rafael” və dövlətə məxsus “Aerospace Industries Board” tərəfindən birgə hazırlanıb. 4 mərhələdə işləyən sistemdə əvvəlcə təhlükəni aşkarlayan radar işə salınır. Bu radarlar gələn raketin nə dərəcədə təhlükə yaratdığını müəyyənləşdirir. Son mərhələdə raket havada məhv edilir. Fələstinli qruplar tərəfindən İsrailə atılan raketlər boş yerə yönəldildikdə onlara müdaxilə edilmir.