Gürcüstanın Kveşeti-Kobi magistralında tikinti işləri çərçivəsində xüsusi texnikaların daşınması səbəbindən Rusiya ilə sərhədi istiqamətində bütün növ nəqliyyat vasitələrinin hərəkəti məhdudlaşdırılıb.
Bu barədə ölkənin İnfrastruktur Nazirliyinin Yollar Departamentindən məlumat verilib.
 
Beynəlxalq əhəmiyyətli Mtsxeta-Stepantsminda-Lars yolunun Handosxevi-Kobi hissəsi 11 iyun 23:00-dan 12 iyun 05:00-dək nəqliyyat üçün bağlanacaq.
Mtsxeta-Stepantsminda-Lars magistral yolu Rusiya Federasiyası ilə ortaq sərhədi olmayan Ermənistan da daxil olmaqla Rusiyaya gedən yeganə yoldur.