Bu günlərdə Ermənistanın müxtəlif dövlət idarələrində kimin hansı vəzifəni tutması barədə qızğın müzakirələr gedir.
Bu barədə "Joxovurd" qəzeti məqalə dərc edib.
“Əldə etdiyimiz məlumata görə, Baş nazirinin müavini Tiqran Avinyan İrəvan meri vəzifəsinə hazırlanmalı və onun yerinə Nazirlər Kabineti Aparatının rəhbəri Arsen Torosyan təyin olunmalıdır. Sonuncu şəxs Nikol Paşinyanın etibarını qazanmağa çalışır”, - deyə qəzet qeyd edir.
Nəşrin iddiasına görə, keçmiş təhsil, elm, mədəniyyət və idman naziri, baş nazirin müşaviri Arayik Arutyunyan da Ermənistan hökumətinin aparat rəhbəri vəzifəsinə təyin edilə bilər. Yeri gəlmişkən, səlahiyyətlilər arasında yayılan məlumatlarda Nikol Paşinyan bu vəzifəni Xaçatur Sukiasyana da verəcəyi iddia olunur. “Bu məsələlər hakimiyyət nümayəndələri arasında şiddətlə müzakirə olunur, lakin əldə etdiyimiz məlumata görə, Ermənistanın baş naziri vəzifəsini icra edən Nikol Paşinyan susur, heç kimə heç nə vəd etmir, konkret heç nə demir. Paşinyan parlamentdən kənar qüvvələrlə məsləhətləşmələr aparır və komanda ilə hələ görüş keçirməyib”.