Türkiyənin milli təhsil naziri, professor Ziya Selçuk vəzifəsindən azad olunub.
Bu barədə ölkə Prezidenti Rəcəb Tayyib Ərdoğan sərəncam imzalayıb.
Z.Selçuk işdən çıxmaqla bağlı ərizə yazıb. R.T.Ərdoğan onun ərizəsini qəbul edib.
Dövlət başçısının digər sərəncamı ilə professor Mahmut Özər milli təhsil naziri təyin edilib. O, bu təyinata qədər təhsil nazirinin müavini işləyib.
Professor Petek Aşkar, doktor Sadri Şensoy və professor Ahmet Emre Bilgili milli təhsil nazirinin müavinləri təyin ediliblər.
Qeyd edək ki, Mahmut Özer 1970-ci il mayın 5-də Türkiyənin Tokat bölgəsində anadan olub. 1992-ci ildə İstanbul Texniki Unversitetinin Elekrtonika və İnformasiya Mühəndisliyi fakültəsini bitirib. Sonrakı illərdə müxtəlif universitetlərdə təhsilin davam etdirib. 2018-ci il avqustun 8-də milli təhsil nazirinin müavinin vəzifəsinə təyin edilmişdi.
скачать dle 12.1