İranda  Məşhəd şəhərindən İsfahana uçan “Caspian” aviasiya şirkətinə məxsus 737 saylı uçuşla sərnişin təyyarəsi qəza enişi edib.
Bu barədə İsfahan vilayətinin Fövqəladə Hallar İdarəsinin sözçüsü Abbas Abidi məlumat verib.
Onun sözlərinə görə, göyərtəsində 110 sərnişin olan təyyarə eniş zamanı sol təkərində texniki nasazlıq yarandığından eniş zolağından çıxıb.
 Hadisə nəticəsində 9 nəfər yaralanıb. Onlardan 6-sı xəstəxanaya çatdırılıb. Hazırda qəzanın səbəbləri araşdırılır.