“Ermənistan xalqını qurbanlıq qoyun statusundan çıxarmaq lazımdır”.
“Sputnik Ermənistan” xəbər verir ki, bunu Ermənistanın Baş naziri Nikol Paşinyan Qarabağ ətrafındakı vəziyyətlə bağlı danışarkən deyib.
“Bu gün bizə deyirlər ki, biz təslim olmuşuq və ya Qarabağı vermək istəyirik. Qarabağı təslim etmək istəsəydik, Serj Sarkisyanın danışıqları məntiqini davam etdirərdik. Beləliklə, biz Qarabağı təslim etmiş olardıq”, - Paşinyan bildirib.
Paşinyan qeyd edib ki, müharibə Şuşa uğrunda aparılıb. Ermənistan hakimiyyəti müharibəni dayandırmağa çalışmadığına görə tənqid edilir, lakin bu, belə deyil.
“Şuşa olmadan müharibəni dayandırmaq və ya qarşısını almaq mümkün deyildi. Bu, sadəcə olaraq mümkün deyil. Mən bu barədə dəfələrlə danışmışam. Fərqli yol tutsaq, Qarabağı təslim edəcəyik. Fərrux hadisələri sizə örnəkdir. Parça-parça. Bir-birinizi aldatmağı dayandırın”, - baş nazir bildirib.
O, dünən parlamentdəki çıxışı ilə bağlı da danışıb:
“Biz, ifadəmə görə bağışlayın, xalqımızı qurbanlıq qoyun statusundan çıxarmağa yol açırıq. Müharibə olub-olmayacağına biz qərar verməmişik, heç nəyə qərar verməmişik. Bu gün mən deyirəm ki, Ermənistan suveren ölkədir və biz nəyisə həll etmək hüququnu özümüzə qaytarmalıyıq. Biz vətəndaşıq, qurbanlıq quzular deyilik ki, müxtəlif yerlərdə bizi nə qədər və necə kəsəcəklərinə və ya bizi bağışlayacaqlarına qərar versinlər”.