"Ermənistanla Türkiyə arasındakı sərhəd 1990-cı illərin əvvəllərində Türkiyə tərəfindən birtərəfli qaydada bağlanıb və iki ölkə arasında diplomatik əlaqələr yoxdur".
Bunu Hindistanın WION KİV-inə müsahibəsində Ermənistanın xarici işlər naziri Ararat Mirzoyan deyib.
“Yəqin ki, bildiyiniz kimi, indi normallaşma prosesi üçün xüsusi nümayəndələr təyin edilib və artıq üç görüş keçirilib və tərəflər sərhədlərin açılması üçün heç bir şərt olmadan irəliləməyə qərar veriblər. Bu prosesə müsbət təkan vermək üçün bu yaxınlarda Türkiyənin xarici işlər nazirinin dəvətini qəbul etdim və Antalya Diplomatik Forumunda iştirak etmək üçün Türkiyəyə getdim və forum çərçivəsində vəzifədaşımla görüşdüm.
Hesab edirik ki, münasibətlərin normallaşmasına nail olmaq üçün siyasi iradə və konkret addımlar atmağa hazır olmaq lazımdır. Erməni tərəfi hər ikisini dəfələrlə nümayiş etdirib və Türkiyə tərəfdən də eyni şeyi gözləyirik.
Bütün risklərə və kövrəkliyə baxmayaraq, regionumuzda dinc inkişaf dövrünü açmaq imkanı var və Ermənistan bu fürsəti reallaşdırmaq üçün səylərini davam etdirəcək”.
Bakı
5°C