Türkiyə Prezidenti Rəcəb Tayyib Ərdoğan, Finlandiya Prezidenti Sauli Niinistön və İsveç Baş naziri Maqdalena Andersson sabah Madriddə görüşəcək.
Xarici KİV xəbər verir ki, bu barədə NATO Baş katibi Yens Stoltenberq mətbuat konfransında deyib.
"Məqsəd Finlandiya və İsveçin NATO-ya üzvlüyü ilə bağlı müzakirələrdə irəliləyiş əldə etməkdir. Mən hər hansı bir söz vermək istəməzdim, ancaq bəyan edirəm ki, biz bu məsələ istiqamətində fəal işləyirik və əlbəttə ki, müttəfiqimizin, Türkiyənin də təhlükəsizlik narahatlıqlarını diqqətə alırıq. Finandiya və İsveç NATO-ya üzv olmaqla bağlı tarixi qərar veriblər, bu bizim təhlükəsizliyimizi, Transatlantik regionu gücləndirəcək və regionda sabitliyə və təhlükəsizliyə töhfə verəcək", - NATO Baş katibi vurğulayıb.