İstefaya getmək istəməyən Böyük Britaniyanın Baş naziri Boris Conson kraliça II Yelizavetaya onun siyasətindən narazı olan parlamentarilərdən yaxa qurtarmaq üçün müraciət edə bilər. Onun monarxdan parlamentin buraxılmasını və bu hökumət orqanına növbədənkənar seçkilərə başlamasını xahiş edəcəyi ehtimalı var.
Bu barədə "Daily Mail" hökumətdəki mənbələrə istinadən məlumat yayıb. 
Əvvəlki gün Conson sona qədər mübarizə aparacağını deyərək istefaya çağırışları rədd edib. O, həmçinin təyinatlar qalmaqalı fonunda nazirlərin gediş dalğasından sonra onu istefaya çağıran Mənzil və Kommunal Təsərrüfat naziri Maykl Qovu da vəzifəsindən azad edib. Qeyd edilir ki, Qov Mühafizəkarlar Partiyasında Britaniyanın hazırkı baş nazirini tənqid edənlər arasında populyar idi və Consonun yerinə real namizəd kimi görünürdü.
Qeyd edək ki, bu il Böyük Britaniyada parlamentin buraxılması və çağırılmasının mümkünlüyü haqqında qanun qəbul edilib ki, bu da kraliça tərəfindən orqanın buraxılmasına icazə verir. Əvvəllər qanunvericilik deputatların səlahiyyət müddətlərini müəyyən edirdi.
Bundan əvvəl Conson bildirib ki, o, daxili siyasi qalmaqallara deyil, iqtisadiyyatdakı böhrana diqqət yetirib.
Bundan əlavə yunun əvvəlində Britaniya parlamentinin İcmalar Palatası Böyük Britaniyanın baş naziri Consona etimadsızlıq səsverməsi keçirib. Nəticədə siyasətçi öz postunda qalıb və Mühafizəkarlar Partiyasının lideri statusunu qoruyub.
Böyük Britaniyada bir çox dövlət rəsmiləri və sadə vətəndaşlar hesab edir ki, Consonun istefa verməsinin vaxtı çatıb. Bu, baş nazirlə bağlı çoxsaylı qalmaqallarla bağlıdır. Ən məşhur qalmaqallardan biri Consonun ölkədəki koronavirus səbəbiylə karantin dövründə kütləvi şənlikdə iştirakından sonra yaranıb. Baş nazir özü baş nazir postunu tərk etmək təklifini qətiyyətlə rədd edir.