Rusiya Federasiyası Ukrayna prezidenti Volodimir Zelenskini gözdən salmaq üçün informasiya kampaniyası hazırlayır.
Bu barədə Ukrayna Baş Kəşfiyyat İdarəsinin məlumatında deyilir. 
"Rusiya Federasiyası Prezidentinin Administrasiyası Rusiya xüsusi xidmət orqanlarına bağlı yeni strukturun yaradılması ilə bağlı razılığa gəlib. Onun əsas vəzifəsi Qərbi Avropada Ukrayna prezidenti Volodimir Zelenskini nüfuzdan salmağa yönəlmiş informasiya "aksiyasını" həyata keçirmək olacaq", - agentlik bildirib.
Avqustun 10-na olan məlumata görə, bu layihənin işə salınması üçün əsas hazırlıq tədbirləri başa çatıb.