Fevralın 24-dən Rusiya ilə müharibə vəziyyətində olan Ukraynada astronomlar çoxlu sayda UFO gördüklərini iddia ediblər. B.E. Jilyaev, V.N. Petuxov və V.M. Reşetnik tərəfindən imzalanmış əsər arXiv-də dərc olunub. Ukrayna Milli Elmi Akademiyasının Kiyevdəki Baş Astronomiya Rəsədxanasında və paytaxtın cənubundakı Vinarivka kəndində müşahidələr aparılıb. Mütəxəssislər gördükləri UFO-ların çox sürətlə hərəkət etdiyini və onların görüntülərini çəkməyin çox çətin olduğunu qeyd ediblər.