Hengaw İnsan Haqları Təşkilatı İranda əxlaq polisi tərəfindən öldürülən Əmini üçün təşkil edilən etirazlar zamanı polisin hücumu nəticəsində 5 nümayişçinin öldüyünü açıqlayıb.
İranda əxlaq polisi tərəfindən həbsdə işgəncələrə məruz qalaraq xəstəxanada dünyasını dəyişən 22 yaşlı Məhsa Əmininin ölümündən sonra etirazlar davam edir. Hengaw İnsan Haqları Təşkilatı etirazlar zamanı 5 nəfərin öldüyünü bildirib. İranın Kürdüstan əyalətinin Sakkız şəhərində keçirilən etiraz aksiyaları zamanı polisin hücumu nəticəsində 2 nəfərin öldüyü bildirilib. Divandərə qəsəbəsində təhlükəsizlik qüvvələrinin "birbaşa atəşi” nəticəsində iki etirazçının, Dehqulanda isə bir nəfərin həlak olduğu qeydə alınıb. Hengaw bazar ertəsi günü 75 nəfərin yaralandığını açıqladı.
Bakı
5°C