Ukrayna prezidenti Volodimir Zelenski Avropa İttifaqı liderlərindən Kiyevi böyük həcmdə müasir və uzaqmənzilli silahlarla təchiz etməyi xahiş edib.
O, bu barədə Aİ sammitinin iştirakçıları qarşısında videokonfransda çıxışı zamanı bildirib.
“Bizə daha müasir silahlara, daha çox tədarükə ehtiyacımız var, bu həm hava hücumundan müdafiəyə, həm də raket əleyhinə müdafiəyə aiddir. Mən Avropa İttifaqının 27 ölkəsinin hər birindən tədarüklərin həcmini artırmaq barədə qərar vermələrini xahiş edirəm”, - deyə Zelenski əlavə edib. 
Ukrayna lideri hesab edir ki, növbəti altı ay “bir çox cəhətdən həlledici olacaq” və buna görə də Qərb ölkələri Ukraynaya heç də az olmayan həcmdə hərbi dəstək verməlidir.
Bundan əlavə, Zelenski Ukraynadakı münaqişəyə son qoymaq üçün Kiyevin irəli sürdüyü şərtləri müzakirə etmək üçün dünya sammiti təşkil etmək niyyətində olduğunu qeyd edib və Aİ liderlərini bu toplantıda iştirak etməyə çağırıb.
скачать dle 12.1