Ukrayna prezidenti Volodimir Zelenski Avropa ölkələrini Rusiyanın etdiyi müharibəyə və deportasiyaya sponsorluq etməyi dayandırmağa, Rusiya neftinə Aİ miqyasında embarqo tətbiq etməyə çağırıb.
“RBK Ukrayna” xəbər verir ki, o, bu barədə Estoniya parlamentinə müraciətində bildirib.
“Aİ ukraynalıların deportasiyasını dayandırmaq və bütün insanları evlərinə qaytarmaq üçün Rusiyaya təsir edəcək vasitələr tapmalıdır. Avropa İttifaqının bunu təmin etmək gücü var və bu gücdən istifadə etməlidir. Rusiya zorla götürülmüş ukraynalıları, minlərlə oğurlanmış uşağı qaytarana qədər Avropa dövlətlərindən və ya şirkətlərindən heç bir pul almamalıdır. Avropa Birliyi deportasiyalara sponsorluq etməməlidir. Aİ-nin müharibəyə sponsorluq etmək hüququ yoxdur”, - Zelenski bildirib.
Dövlət başçısı vurğulayıb ki, Avropa liderləri sanksiyalar siyasətinə daha da ciddi yanaşmalıdır:
“Sanksiyalar bu gün Rusiyanı sülhə məcbur edən yeganə vasitədir. Yeni çox mühüm sanksiyalar paketini təsdiq edərkən, mən sizi Rusiya banklarının tam bloklanması ehtiyacını müdafiə etməyə və nəhayət, sanksiyalar paketinə nefti daxil etməyə çağırıram. Bizə bütün Avropa İttifaqı səviyyəsində embarqo lazımdır” – Zelenski qeyd edib.скачать dle 12.1