İrəvan sülh müqaviləsi ilə bağlı təkliflərini Bakıya təqdim edib.
"İnterfaks" xəbər verir ki, bunu Ermənistanın baş naziri Nikol Paşinyan hökumətin iclasında deyib. 
"Biz bu məzmunda saziş imzalamağa hazırıq və ümid edirəm ki, Azərbaycanın reaksiyası müsbət olacaq. Ermənistan da bir neçə ay əvvəl Azərbaycana sərhədin delimitasiyası və demarkasiyası üzrə komissiyanın gələcək işi ilə bağlı təkliflərini təqdim edib. Ermənistan regional kommunikasiyaların açılması ilə bağlı təkliflərini verib və dərhal qərar qəbul etməyə hazırdır", - Paşinyan bildirib.